Աշխարհն առաջ է անցնում ավելի արագ տեմպերով, քան երբևէ, և վաճառքի մենեջերները պետք է անընդհատ հարմարվեն նոր իրավիճակներին:
Ժամանակակից աշխարհում հաճախորդները չեն ցանկանում շատ ժամանակ ծախսել վաճառքի մենեջերի շփվելու վրա, ինչի արդյունքում տուժելու է ձեր բիզնեսը։ Վաճառքի մենեջեր-հաճախորդ հարաբերություններում կարևոր չէ հաճախորդի հետ ընկերական հարաբերություններ ստեղծելը, կարևոր է ընկերական հարաբերություններ ստեղծելը և հաճախորդին՝ սպառողի տրանսֆորմացնելը։ Հաճախորդին սպառող դարձնելու ճանապարհին սխալները կարող են լինել ճակատագրական։
Ներկայացնենք այն հիմնական 6 սխալները, որոնք վաճառքի մենեջերը կատարում է իր առաքելության ընթացքում։
1. Մի՛ վախեցեք հաճախորդի արձագանքից։
Վաճառքի մենեջերները ամենևին չեն ցանկանում լսել այն կարծիքը, որը հաճախորդը կարող է իրապես ունենալ ապրանքի մասին, օրինակ, վերջինս կարող է նշել, որ ապրանքի գինը շատ բարձր է։
Այս դեպքում վաճառքի մենեջերը պետք է լինի ակտիվ և փորձի բացահայտել ապրանքի այն կարևոր և առանձնահատուկ չափանիշները, որոնք տվյալ հաճախորդը կցանկանա տեսնել։ Հավաստիացնում ենք, խնդրին ճիշտ մոտենալու դեպքում, հաճախորդի մոտ գնային հարցը կգնա երկրորդ պլան։
2. Ձեր էգոն աշխատանքի մեջ կարող է խաղալ ձեր դեմ․
Իհարկե, կան հաճախորդներ, որոնք առաջին իսկ րոպեից կարող են բացասական լիցքեր փոխանցել ձեզ, այնուամենայնիվ աշխատանքային միջավայրում էմոցիոնալ ֆոնից խուսափելու լավագույն միջոցը հմուտ մասնագետ լինելն է ճիշտ կազմված հարցերի հաջորդականությամբ անգամ տվյալ հաճախորդի խնդիրների վերհանումն է։
3. Լսե՛ք ձեր հաճախորդին․
Հաճախորդը կարող է ունենալ բողոքներ։ Սովորաբար վաճառքի մենեջերի ամենատարածված սխալներից է արդարացումները և այդ բողոքներին ի հակառակ այլ իրավիճակի ներկայացումը։ Սա ստանդարտ պաշտպանական մեխանիզմ է։ Փորձեք լսել ձեր հաճախորդին։ Նրա բողոքը և հետագայում դրա կանխման դեմ ուղղված քայլերը ձեր բիզնեսը կարող են էլ ավելի մրցունակ դարձնել։ Բողոքները միայն նպաստում են մեր բիզնեսի առաջընթացին։
4. Փորձե՛ք հասկանալ արդյոք ճիշտ է ժամանակ վատնել որոշ հաճախորդների վրա․
Կան հաճախորդներ, որոնք մեզանից խլում են բիզնեսի մեջ ամենակարևորը՝ ժամանակը։ Հաճախ մեր ներդրումը նմանատիպ հաճախորդներին՝ սպառող վերածելու ապարդյուն է թվում արդեն իսկ առաջին րոպեներից։ Այնուամենայնիվ շարունակեք հարցադրումների ճիշտ հաջորդականության միջոցով վերհանել վերջինիս կարիքները։ Հարցադրումների ճիշտ հաջորդականությունը թույլ կտա վստահորեն որոշում կայացնել՝ միակողմանի հարաբերությունները դադարեցնելու։
5. Ձեր թիմում մի՛ մատնանշեք մեղավորների.
Աշխատեք թիմով։ Եթե անգամ հաճախորդները ունեն բողոքներ, պաշտպանեք ձեր թիմի յուրաքանչյուր անձի շահերը։ Ձեր թիմը ձեր բիզնեսն է։
6. Մի՛ կիրառեք նույն մոտեցումները․
Հաճախորդի առարկայությունների դեպքում մի՛ գնացեք միակողմանի զիջումների․ հաճախ դրանք կարող են սովորություն դառնալ։