Ցանկացած մասնագիտության մեջ մարդիկ ձգտում են կատարելագործման։ Այդպես է նաև վաճառքի դեպքում։ Վաճառքի սկսնակ մասնագետները ձգտում են դառնալ պրոֆեսիոնալ, իսկ այդ ճանապարհին նրանց օգնում են մի շարք հմտություններ ու ունակություններ, որոնց ձեռքբերման հարցում կարող է օգնել Ստամինա ընկերությունը։
Ինչպես արդեն գիտեք, վաճառքի մասնագետների համար երկու կարևոր կետեր կան․ աշխատանքի արդյունավետ պլանավորումն ու կազմակերպումը և մասնագիտական հմտությունների ու կարողությունների տիրապետումը։ Մասնագիտական հմտություններից առանձնացրել ենք 7 կարևորագույն հատկանիշներ, որոնք պետք է ունենա ցանկացած վաճառքի մասնագետ։
- Նպատակների հստակ ձևակերպում: Ցանկացած վաճառքի մասնագետ պետք է իմանա ի՞նչ և ինչքա՞ն վաճառել, ի՞նչ ժամկետներում վաճառել, որպեսզի աշխատելու մոտիվացիան չնվազի: Պետք է ունենա հստակ ֆիքսված նպատակներ, որոնք իր իսկ կողմից ընտրած գործիքների միջոցով պետք է իրականություն դարձնի:
- Պրոդուկտի գերազանց իմացություն։ Իր ապրանքը կամ ծառայությունը միայն ու միայն գերազանց իմացողը կարող է լավ վաճառք ապահովել, հակառակ պարագայում հաճախորդը ուղղակի ձեզ չի վստահի:
- Հաճախորդների արդյունավետ որոնման հմտություն: Վաճառքի մասնագետը պետք է որոնի ու գտնի այնպիսի հաճախորդների, որոնք ունեն տվյալ պրոդուկտի կարիքը, ում համար տվյալ պրոդուկտը կլուծի կոնկրետ խնդիրներ։ Իհարկե սա նաև լրացուցիչ հմտություններ և հոտառություն է պահանջում։
- Հաճախորդի հետ կոնտակտի նախապաատրաստման հմտություններ։ Ամեն մոռացված մանրուք կարող է ճակատագրական լինել, ուստի հաճախորդի հետ հանդիպումից առաջ անպայման մի լավ պատրաստվել և գործընթացին վերաբերվել ամենայն պատասխանատվությամբ:
- Առաջին կոնտակտի ստեղծման հմտություններ։ Տեղին է հիշել Կոկո Շանելի առաջին տպավորության մասին հայտնի խոսքը, ըստ որի երկրորդ հնարավորություն չենք ունենա առաջին տպավորությունը թողնելու համար: Այս առումով պետք է արժևորենք ճիշտ կոնտակտի ստեղծումը ցանկացած հարաբերություն ստեղծելիս։
- Գրագետ հարցեր կազմելու և լսելու ունակություն։ Շատ կարևոր է լսել հաճախորդին, հասկանալ նրա տված ազդակները և նշանները, որոնք կարող են բացահայտել նրա տվյալ պահի խնդիրները:
- Հաճախորդի կարիքներն ու պահանջմունքները բացահայտելու ձիրք։ Գրագետ հարցերի միջոցով կարող ենք բացահայտել տվյալ հաճախորդի ունեցած կարիքները: Յուրաքանչյու գրագետ կազմված հարց մոտ 22%-ով մոտեցնում է վերջնական գործարքի կնքմանը: