Վաճառքի մասնագետի աշխատանքն աշխարհում ամեմապահանջվածներից է։ Յուրաքանչյուր առաջատար ու հեռանկարային համարվող կազմակերպություն ունի (ու պետք է ունենա) իր վաճառքի թիմը։ Դեռ չի կարելի վստահ ասել, որ Հայաստանում այն ձևավորել է ճիշտ մշակույթ, քանի որ կան մի շարք խնդիրներ ու խոչընդոտներ։ Աշխատանքի որոնման կայքերում ամեն հինգերորդ աշխատանքը վաճառքի մասնագետի թափուր հաստիքի վերաբերյալ է։ Լավ է այն, որ մասնագիտությունն ունի մեծ պահանջարկ, բայց և մյուս կողմից այն դեռ չի գտել իր ճիշտ ընկալումը։ Առհասարակ, մեծ մասամբ որպես «վաճառքի մասնագետներ» աշխատող անձինք մեզանում իրականացնում են հետևյալ գործառույթները՝ զանգել պոտենցիալ հաճախորդներին – ամեն կերպ համոզել հանդիպման համար – ներկայացնել կազմակերպության ծառայությունները – դրական վերջնարդյունքից հետո վերցնել ստանալիք տոկոսներն ու մի կողմի քաշվել։ Երբեմն էլ զանգել, ճշտել աշխատանքների մասին ու գործը համարել ավարտված։ Պատճառը միանշանակ մասնագիտության ոչ լիարժեք տիրապետումն է։
Այսպիսով՝ ի՞նչ խնդիրների է բախվումը Հայաստանում վաճառքը՝ որպես մասնագիտություն։
-
Ենթագիտակցորեն շատերի մոտ «վաճառք» հասկացությունն ասոցացվում է խանութների հետ, մինչդեռ մեկընդմիշտ պետք է հիշել՝ մթերային խանութի աշխատակիցը, հագուստի սրահի պատասխանատուն տարբեր ու մարդիկ են ու վաճառքի մասնագետ ՉԵՆ։
-
Ինչպես արդեն նշվել է՝ վաճառքի «մասնագետները» հայաստանյան մի շարք ընկերություններում ունեն հստակ կանոնակարգված աշխատանք։ Գուցե նրանք աշխատում են այդ ոլորտում, սակայն այլ հարց է համապատասխան գիտելիքների առկայությունը։ Իսկ չմոռանանք, որ հայկական բուհերում վաճառքի մասնագետի առանձին ծրագիր չկա՝ թեկուզ տեսական գիտելիքներ ստանալու համար։ Հիշեք, որ մարքեթինգը դեռ վաճառք ՉԷ։
-
Կարևոր բաց կա նաև կազմակերպության կողմից. թիմի աշխատանքների ոչ ճիշտ կազմակերպումն ու ղեկավարումը։ Այս դեպքում անհրաժեշտ է ներդնել կառավարման արդյունավետ մեխանիզմներ ու վերահսկման, ինչպես նաև մոտիվացիոն ճիշտ գործիքակազմ։
Իրականում այս խնդիրները լուծելի են դասընթացների միջոցով համապատասխան գիտելիքներ ձեռք բերելու և միաժամանակ դրանք պրակտիկորեն կիրառելու շնորհիվ։ Մնում է միայն գրանցվել ու սկսել։